काठमाडौँ । आज साँझ मन्त्रिपरिषद् बैठक बस्ने भएको छ ।
प्रधानमन्त्री केपी शर्मा ओलीले आज बेलुकी साँझ पाँच बजे प्रधानमन्त्री तथा मन्त्रिपरिषद्को कार्यालयमा बैठक बोलाउनुभएको हो ।
प्रधानमन्त्रीको चीन भ्रमणको औपचारिक निर्णय गर्न बैठक बस्न लागेको हो । आजको बैठकमा चीन भ्रमणका एजेन्डाबारेमा पनि छलफल हुने जनाइएको छ ।
प्रधानमन्त्री ओली आगामी मंसिर १७ गते चीन भ्रमण जाने तयारी रहेको छ । त्यसअघि भ्रमणको तयारीका लागि आजै दिउँसो परराष्ट्रमन्त्री आरजु राणा चीन प्रस्थान गर्दै हुनुहुन्छ ।
