काठमाडौँ । आरध्यदेव पशुपतिनाथ परिसरमा बाला चतुर्दशीका अवसरमा दथु त्वा: बाज खल:ले नि:शुक्ल चिया वितरण गरेको छ ।
देशका विभिन्न स्थानबाट दिवङ्गत पितृको सद्गतिको कामना गर्दै पितृको सम्झनामा महादीपदान गरी बसेका भक्तजनलाई नि:शुक्ल चिया वितरण गरेको हो ।
त्रयोदशीको दिन दिउँसो साढे दुई बजेदेखि बालाचतुर्दशीको दिन बिहान सात बजेसम्म करिब ८ सय लिटर दूधको चिया २५ हजार कप वितरण गरिएको सचिव श्रीकृष्ण डंगोलले जानकारी दिनुभयो ।
यसै अवसरमा दथु त्वा: बाज खल:ले नि:शुल्क चिया, हलुवा वितरण, व्यवस्थापनमा सेवा पुर्याउँदै आइरहेको बताउदैँ सचिव डंगोलले सो सेवालाई निरन्तरता दिने बताउनुभयो ।
