कामपा ८ ले गुह्येश्वरीमा निर्माण गरेको अपांगमैत्री सार्वजनिक शौचालय सञ्चालनमा

काठमाडौँ । काठमाडौँ महानगरपाालिका वडा - ८ ले गुह्येश्वरी क्षेत्रमा निर्माण गरेको सार्वजनिक अपांगमैत्री शौचालय सञ्चालनमा आएको छ । आज सोमबारदेखि गुह्येश्वरी मन्दिर अगाडि सार्वजनिक स्थलमा रहेको शौचालय सञ्चालनमा आएको हो । 

"अपांगमैत्री उक्त शौचालय आजबाट सर्वसाधारणका लागि खुल्ला गरिएको र त्यसको संरक्षण र प्रबर्द्धन गर्नु सबैको दायित्व भएको", कामपा ८ का वडाअध्यक्ष आशामान संगतले बताउनुभयो । 

उहाँले, "शौचालय सार्वजनिक सम्पत्ति भएकाले त्यसको संरक्षण गर्नु र त्यसैमा आवश्यक वस्तुहरू थप घट गर्ने कुरामा वडा कार्यालय तत्पर भएको बताउनुभयो ।"

"माता गुह्येश्वरीको दर्शन गर्न आउने भक्तजना तथा सार्वसाधारणलाई लक्षित गरी सार्वजनिक अपाङ्ग मैत्री तथा पुरूष र महिलाहरूले सहज रूपमा शौचालय प्रयोग गर्न मिल्ने गरि खुल्ला गरिएको", वडाअध्यक्ष संगतले बताउनुभयोभयो । 

३४ लाख सात सय छब्बीस रूपैयाँ सतासी पैसामा निर्माण गरिएको शौचालय पुरातात्त्विक  एवं मौलिक शैलीमा निर्माण गरिएको वडा कार्यालयले जनाएको छ । 

एक तल्लाको रहेको शौचालय भूमापन सर्भे एण्ड कन्ट्रक्सन कम्पनी लिमिटेडले २०८१ साल असारमा काम शुरूवात गरेेर ६ महिनामा निर्माण सम्पन्न गरेको थियो । 

काठमाडौँ महानगरपालिका वडा - ८ ले गुह्येश्वरी क्षेत्रमा खानेपानीका लागि पाइप जडान, सार्वजनिक पार्क, गुह्येश्वरी  मन्दिर परिसर अगाडि सार्वजनिक चौतारा र इना गणेश (चन्द्र विनायक) मन्दिर, खुल्ला ब्यायामशाला लगायत विभिन्न कार्यहरू गरेको छ ।