काठमाडौँ । द हिडन ट्रेजरले आधिकारिक रूपमा बहुप्रतिक्षित मिस नेपाल २०२५ को लागि आवेदन खुल्ला गरेकाे छ । आज आयाेजित पत्रकार सम्मेलनमा नेपालभरका इच्छुक र विदेशमा बस्ने युवतीहरूलाई आषाढ २६ गतेसम्म आवेदन दिन आमन्त्रित गरिएको हाे । यस वर्ष आफ्नो ३०औँ वार्षिकोत्सव मनाउँदै, मिस नेपाल २०२५ को ग्रान्ड फिनाले भाद्र १४ गते शनिबार गोदावरीको सनराइज कन्भेन्सन सेन्टरमा आयोजना हुनेछ ।
'विश्वव्यापी मञ्चमा नेपालको गौरव' अन्तर्राष्ट्रिय प्रतियोगिताहरूमा प्रशंसनीय प्रदर्शन गरेपछि मिस नेपाल २०२४ का विजेताहरू स्वदेश फर्किए सँगै आयाेजना गरिएको हो ।
मिस नेपाल इन्टरनेशनल २०२४, करुणा रावतले जापानको टोकियोमा भएको मिस इन्टरनेशनलमा नेपालको प्रतिनिधित्व गरेकी थिइन । मिस नेपाल अर्थ २०२४, सुमना केसीले फिलिपिन्सको मनिलामा भएको मिस अर्थमा बेस्ट सस्टेनेबल ड्रेस अवार्ड जितिकी थिइन । मिस नेपाल वर्ल्ड २०२३, श्रीच्छा प्रधानले भारतको हैदराबादमा आयोजित ७२औँ मिस वर्ल्ड प्रतियोगितामा भाग लिएकी थिइन ।
उनीहरूको उपलब्धिले राष्ट्रलाई गौरव दिलाएको र मिस नेपाललाई विश्वव्यापी रूपमा चम्काउन महिलाहरूलाई स-शक्त बनाउने प्लेटफर्मको रूपमा बलियो बनाएको आयाेजककाे विश्वास रहेकाे छ ।
मिस नेपाल २०२५ मा सहभागी हुनको लागि, आवेदकहरू नेपाली नागरिक हुनुपर्ने, उमेर १८ देखी २७ वर्षको हुनुपर्ने, न्यूनतम ५ फिट ३ इन्च उचाइ हुनुपर्नेछ ।
यस वर्षको प्रतियोगिताले चार विजेताहरूलाई ताज पहिराउने छ । जसमा मिस नेपाल वर्ल्ड, मिस नेपाल अर्थ, मिस नेपाल इन्टरनेशनल, मिस नेपाल कोस्मो इन्टरनेशनल विश्वव्यापी रूपमा मान्यता प्राप्त प्रतियोगितामा नेपालको डेब्यूको रूपमा नयाँ थप गरिएकाे हाे ।
मिस नेपालको अडिसन बिर्तामोड, नेपालगञ्ज र जनकपुर लगायत धेरै शहरहरूमा हुनेछ। काठमाडौँभरिका १० कलेजहरूमा सक्रियताका साथ अभियानहरू सञ्चालन हुनेछ। अन्तिम अडिसन असार २८ गते काठमाडौमा हुनेछ। फिनाले हिमालयन टिभीमा प्रत्यक्ष प्रसारण गरिनेछ।
