काठमाडौँ । काठमाडौँ महानगरपालिकाले ७५ वर्षभन्दा माथिका वृद्धवृद्धालाई दिदैँ आएको उपचार सहितको पोषण भत्तालाई निरन्तरता दिने भएको छ ।
अघिल्लो आर्थिक वर्षमा कटौती गरिएको पोषण भत्ता बराबरको १२००० हजार रूपैयाँ रकम काठमाडौँ महानगरपालिकाले पुनः कार्यविधि परिमार्जनसहित यसलाई निरन्तरता दिएको भएको हो ।
काठमाडौँ महानगरपालिकाले रोकेको पोषणभत्ताको विषयमा गत माघ ३ गते बसेको काठमाडौँ महानगरपालिकाको नगर परिसद् बैठकमा काठमाडौँ महानगरपालिकाका सम्पदा तथा पर्यटन विभाग संयोजक एवं कामपा ८ का वठाअध्यक्ष आशामान संगतले यसलाई निरन्तर दिन पटकपटक पहलकदमी सहित आवाज उठाउनुभएको थियो ।
त्यसैको कार्यान्वयन स्वरूप काठमाडौँ महानगरपालिकाको नगर परिषद् बैठकको निर्णयलाई कार्यान्वयन गर्दै आगामी महिनाबाटै संसोधनसहित ७५ वर्ष उमेर पुगेका वृद्धवृद्धालाई उपचारका लागि पोषणभत्ता उपलब्ध गराउँने कार्यविधि पास भएको हो ।
गत माघ ३ गते बसेको बैठकको निर्णयलाई सुनुवाइ गर्दै काठमाडौँ महानगरपालिकाले उक्त निर्णयलाई अगाडि बढाएको वडा ८ का वडाअध्यक्ष आशामान संगतले बताउनुभयो ।
काठमाडौँ महानगरपालिकाले २०८९/८० को बजेटमा नराखेको शिर्षकलाई पुनः निरन्तरतासहित संशोधन गरेर अगाडि बढाएको प्रस्तावलाई महानगरपालिकाले सुनुवाइ गरेको हो ।
उक्त रकम काठमाडौँ महानगरपालिकाका प्रमाणित व्यक्तिहरूलाई मात्र उपलब्ध हुने र पूर्ण अपाङ्गता भएका क वर्गकमा व्यक्तिहरूलाई उक्त रकम उपलब्ध गराइने वडाअध्यक्ष आशामान संगतले बताउनुभयो ।
काठमाडौँ महानगरपालिकाले बजेटबाट कटौती गरेको पोषण भत्तालाई पुन: वितरण गर्ने भएपछि वृद्धवृद्धाहरू असारमसान्तसम्म ७५ वर्ष उमेर पुगेकाे नागरिकताको प्रमाणपत्र तथा मतदाता परिचय पत्रको प्रतिलिपी र बसाइँसराइ प्रमाणपत्रको प्रतिलिपि पेश गर्नुपर्नेछ भने, पेन्सन लिइरहेका व्यक्तिहरूले उक्त सुविधा नपाउने वडाले जनाएको छ । कामपा ८ का वडाअध्यक्ष आशामान संगत नेपाली कांग्रेसबाट निर्वाचित वडाअध्यक्ष हुनुहुन्छ ।
