काठमाडौँ । यस वर्षको उत्कृष्ट युवा फोटो पत्रकारिता पुरस्कारबाट फोटो पत्रकार राजन काफ्ले सम्मानित हुनुभएकाे छ ।
रिपोर्टर्स क्लबले स्थापनाको २५औँ वार्षिकोत्सव (रजत महोत्सव) को अवसरमा आयोजना गरेकाे समारोहमा काफ्लेलाई नगद २५ हजारसहित सम्मानपत्र हस्तान्तरण गरिएकाे थियाे । उहाँलाइ प्रधानमन्त्री पुष्पकमल दाहाल प्रचण्डले सम्मानपत्र हस्तान्तरण गर्नुभएकाे हाे ।
डेढ दशकदेखि पत्रकारितामा सक्रिय काफ्ले नेपाल टेलिभिजन, च्यानल नेपाल, कान्तिपुर टेलिभिजन लगायत विभिन्न अनलाइन तथा छापा माध्यममा काम गरिसक्नु भएकाे छ ।
विगतमा चलचित्र पत्रकारिता हुँदै वृत्तचित्र निर्देशन तथा छांयाकनमा सक्रिय काफ्ले हाल रंगकर्ममा समेत सक्रिय हुनुहुन्छ ।
