काठमाडौँ । एसईई उतिर्ण भएर छात्रवृत्तिमा विनायक सिद्ध कलेज पढ्न चाहाने विद्यार्थीहरूका लागि कलेजले परीक्षा लिने भएको छ ।
चावहिलमा अवस्थित कलेजले आगामी असार ३० गते शनिबार विहान ८ बजे परीक्षा लिन लागेको बताएको छ । परीक्षामा सहभागी हुने विद्यार्थीहरू एसईई उतिर्ण भई कक्षा ११/१२ विनायक सिद्ध कलेज पढ्न इच्छुक हुनु पर्ने बताइएको छ ।
परीक्षामा उतिर्ण २५ जना विद्यार्थीहरूलाई विभिन्न कोटा अन्तरगत रहेर पूर्ण छात्रवृत्ति दिने र ५० जना विद्यार्थीहरूलाई विभिन्न कोटा अन्तरगत आंशिक छात्रवृत्ति दिने कलेजका कोअडिनेटर विनय सिंखडाले जानकारी दिनुभयो ।
उहाँले विनायक सिद्ध कलेज विद्यार्थीको रोजाइमा पर्दै आइरहेकाले उनिहरूको भविष्य निर्माणका लागि पनि आर्थिक अभावले पढ्ने अवसरबाट बञ्चित नहुन भन्ने हेतुले छात्रवृत्ति परीक्षाको आयोजना गरिएको र त्यसै अनुरूप विद्यार्थीहरूलाई कलेजको सहयोगमा पठनपाठन गराउने सिंखडाले जानकारी दिनुभएको ।
विनायक सिद्ध कलेज चावहिल क्षेत्रको लव्ध प्रतिष्ठित कलेज हो । यो कलेजले विज्ञान, व्यवस्थापन, मानविकि, शिक्षा र कानुन विषय पठनपाठन गराउँदै आइरहेको छ ।
Science