काठमाडौँ । काठमाडौँ क्षेत्र ४ का सांसद गगन थापाको कार्यालयद्वारा आयोजित 'स्किल अप' कार्यक्रमको तेस्रो शृङ्खला सम्पन्न भएको छ ।
तेस्रो शृङ्खला अन्तर्गत 'एमबार्क, इक्युप र एक्सेल' शीर्षकमा प्रशिक्षण कार्यक्रम आयोजना गरिएको हो ।
हरेक शनिबार टेक्सस इन्टरनेसनल कलेज मित्रपार्कमा हुदैँ आईरहेको कार्यक्रममा विभिन्न क्षेत्रका विद्यार्थीहरूको सहभागीता रहेको थियो ।
कार्यक्रममा सहभागी विद्यार्थीहरूले यस पटक नयाँ तरिकाबाट कसरी (सिभि) तयार पार्ने, विश्वले कस्तो प्रतिभाहरू खोजिरहेको छ भन्ने विषयवस्तु केन्द्रीत धर्म राज खड्काले सञ्चालन गर्नुभएको यी सेसनहरूमा सहभागी रहेका थियो ।
काठमाडौँ क्षेत्र ४ का युवा युवतिहरूलाई रोजगारमूलक सिप सिकाउने उद्देश्यले 'स्किल अप' कार्यक्रम अन्तर्गत हरेक महिना फरक फरक विषयमा सिप सिकाई हुने गरेको पवन आचार्यले जानकारी दिनुभयो ।
सहभागी विद्यार्थीहरूले सीप पश्चात् आफ्नो धारणा राख्दै, 'अहिलेको जेनेरेसन क्याप्चर गरेर खेर गईरहेको समयलाई सदुपयोग गर्दै आफ्नो अभिरुचिका क्षेत्रमा प्रयोग गराउनु सह्राननिय रहेको बताउनुभयो । '
