काठमाडौँ । माउन्ट एभरेष्ट माध्यामिक विद्यालय थली र काठमाडौँ विश्वविद्यालय स्कूल अफ एजुकेशन बिच सहकार्य भएको छ ।
एक समारोहका बिच माउन्ट एभरेष्ट माध्यामिक विद्यालयका प्रधानाध्यापक यादव घिमिरे तथा काठमाडौँ विश्वविद्यालय स्कुल अफ एजुकेशनका डीन डा. बालचन्द्र लुइटेलले एकआपसमा सम्झाैता पत्र हस्तान्तरण गर्दै सहकार्य गर्नुभएको हो ।
माउन्ट एभरेष्ट माध्यामिक विद्यालयका अध्यक्ष बिष्णु ज्ञवालीले,'विश्वविद्यालय सँगको सहकार्यले बिधालयको सर्वाङ्गीण विकासमा महत्त्वपूर्ण योगदान पुग्ने बताउनुभयो ।'
प्रधानाध्यापक यादव घिमिरेले,'विद्यार्थीको शैक्षिक उन्नयनमा हाम्रो बिधालय विभिन्न देशभित्र रहेका र विदेशी विश्वविद्यालय सँग सहकार्य गर्दै अगाडि बढ्ने बताउनुभयो ।'
उहाँले शिक्षण सिकाईका गतिविधिहरूमा परिवर्तनकारी नवीनतम लक्ष्य हासिँलका निमित्त पनि विश्वविद्यालय सँगको सहकार्य अपरिहार्य रहेको बताउनुभयो ।
सहकार्यमा विद्यार्थीको अध्ययन क्षमता अभिवृद्धि, शिक्षक तालिम, विद्यार्थीहरू बिचको सहकार्य, २१औँ शताब्दीको सीपमुलुक तालिम एवं सेवा आदानप्रदान हुने विश्वविद्यालयले जनाएको छ ।
यो न्युज हेरे पछि खुसी लाग्यो।
English spoken poor xa studentko