काठमाडौँ । नेपाली कांग्रेसका सभापति शेरबहादुर देउवाले नेपाली कांग्रेसको विधान, २०१७ (संशोधन सहित)को धारा २५ (९) बमोजिम पार्टीका केन्द्रीय सदस्य नैनसिंह महर प्रमुख रहनुभएको शिक्षा विभागको सदस्यमा १० सदस्य मनोनयन गर्नुभएको छ ।
मनोनयन हुनुभएका सदस्यमा प्रा डा कमलदीप ढकाल (सिन्धुली), राजकुमार आचार्य (खोटाङ), पुजा पासवान (महोत्तरी), हरिसिंह केसी (धादिङ), त्रिबिक्रम पाण्डे (काठमाडौँ), राजन श्रेष्ठ (काठमाडौँ), किरण भट्ट (गोरखा), लालमणि भण्डारी (दाङ), खेमराज केसी (दैलेख) र तारामान रावल (कैलाली) रहनुभएको पार्टीका कार्यवाहक मुख्यसचिव डा प्रदीप पराजुलीले आज जारी गर्नुभएको विज्ञप्तिमा उल्लेख छ ।
नैनसिंह महर प्रमुख रहनुभएको शिक्षा विभागमा मनाेनित सदस्यहरू कार्य गर्नुहुने छ ।
