लोपोन्मुख पिंक संस्कृतिको प्रवर्द्धन गर्न युवाहरूको सक्रियतामा नुवाकाेटमा हालियो पिंक

नुवाकोट । पिंक संस्कृति लोपोन्मुख रहेको परिपेक्षमा नुवाकोटका युवाहरूको सक्रियतामा पिंक हालिएको छ । नुवाकोटको बेल्कोटगढि नगरपालिका ४ का स्थानीय युवाहरूको सक्रियतामा सर्वसाधरण तथा स्थानीयहरूका लागि पिंक हालिएको हो ।

बडा दशैँ नजिकिए सँगै युवाहरूको सक्रियतामा पिंकको हालिएको हो । पछिल्लो समय नेपाली समाजमा पिंक संस्कृति लोपोन्मुख अवस्थामा रहेको छ । यसको प्रवर्द्धन र प्रोत्साहन गर्न आवश्यक रहेकाले स्थानीयको सक्रियतामा पिंक हालिएको हो ।

'लोपोन्मुख पिंक संस्कृतिलाई प्रवद्धन सँगसँगै प्रोत्साहन गर्नलाई पिंक हालिएको स्थानीय सुदिप सुवेदीले जानकारी दिनुभयो ।' चाडपर्व नजिकिए सँगै घर गाउँमा भेला भएका युवाहरूको सक्रियतामा पिंक हालिएको सुवेदीले जानकारी दिनुभयो ।

स्थानीय भुपिन्द्र बनियाँको सक्रियतामा वडा ४ का विभिन्न स्थानमा पिंक हालिएको स्थानियले जानकारी दिनुभयो । बानियाँको सक्रियतामा वडाको बानियाँगाउँ, दियाले र पञ्चासेमा पिङ हालिएको हो । उहाँले पिंक हाल्न आवश्यक सामाग्रीहरू जुटाइदिएको स्थानीयहरूले जानकारी दिनुभयो ।

दशैँमा टिकाको दिनमा नवदुर्गाको प्रसादका रूपमा टीका र जमरा लगाइसकेपछि धर्ती छोड्नु पर्ने परम्परा रहेकाले पिंक खेल्ने प्रचलन अगाडि बढेको पाइन्छ ।