काठमाडौँ । नेपालको दुईदिने औपचारिक भ्रमणमा आउनुभएका भारतीय विदेश मन्त्रालयका सचिव विक्रम मिश्रीले भारत सरकारको सहयोगमा निर्माण गरिएको भाषा परिषद्को नयाँ भवनको उद्घाटन गनुभएकाे छ ।
आइतबार बिहान काठमाडौँ आइपुग्नुभएका विदेश सचिव मिश्रीले सहरी विकास मन्त्रालयका सचिव मणिराम गेलालको उपस्थितिमा संयुक्त रुपमा उद्घाटन गर्नुभएकाे हाे । सो भवन भारत सरकारको अनुदानमा निर्माण गरिएको हो ।
२०७२ को महाभूकम्पले क्षति भएको उक्त भवन भारत सरकारले भूकम्पपछिको पूननिर्माणमा सघाउने कार्यक्रमअन्तर्गत निर्माण गरेको हो ।
सोमबार स्वदेश फकिर्ने कार्यसूची रहेका सचिवले नेपाल भ्रमणका क्रममा प्रधानमन्त्री केपी शर्मा ओली, राष्ट्रपति रामचन्द्र पौडेललगायतका शीर्ष नेताहरुसँग भेट गर्ने कार्यसूची छ ।
