काठमाडौँ । महाशिवरात्रि पर्व सम्पन्न भएसँगै पशुपति क्षेत्रमा सफाइ सुरु गरिएको छ । महाशिवरात्रिका अवसरमा जम्मा भएका भक्तजनका कारण थुप्रिएको फोहर काठमाडाैँ महानगरपालिका र पशुपति क्षेत्र विकास कोषले उठाउन थालेको हो ।
काठमाडाैँ महानगरपालिका वडा ८ का वडाअध्यक्ष आशामान संगतले बिभिन्न ९ वटा टाेलीले पशुपतिनाथ क्षेत्रका विभिन्र स्थानकाे सरसफाइ गरेकाे बताउनुभयाे । विशेषगरी पाशुपत क्षेत्रहरूकाे बाहिरी क्षेत्रहरूमा करिब १५० जना सरसफाइकर्मीले सफाइ गरेकाे उहाँले बताउनुभयाे ।
केही दिनमा सफाइ गरिसकिने कोषका सदस्य सचिव डा मिलनकुमार थापाले जानकारी दिनुभयो । महाशिवरात्रि सम्पन्न भए पनि पशुपति क्षेत्रमा भक्तजनको भीड लागेको थियो ।
महाशिवरात्रिमा मन्दिरभित्र दर्शन गर्न नपाएका भक्तजन पशुपतिनाथ पुगेका थिए । शुक्रबार बिहान ११ बजेदेखि साधुसन्तलाई दक्षिणा दिएर बिदाइ गरिएकाे कोषका प्रवक्ता रेवतीरमण अधिकारीले बताउनभुयाे ।
साधुसन्तलाई गच्छेअनुसार दक्षिणा दिइने उहाँले बताउनुभयो । कोष र संस्थानले पनि साधुसन्तलाई अलग अलग दक्षिणाको व्यवस्था गर्ने जनाइएको छ ।
