काठमाडौँ । काठमाडौँ महानगरपालिका वडा-८ ले आगो नियन्त्रक यन्त्र ‘फायर हाइड्रेन्ट’ वितरण गरेको छ ।
आज आयोजित एक कार्यक्रमका बिच कामपा-८ भित्रका विभिन्न सार्वजनिक क्लव तथा संस्थाका व्यक्तिहरूलाई आगो नियन्त्रक यन्त्र वितरण गरिएको हो ।
विपद् घण्टी बजाएर नआउने भएकाले हरेक व्यक्तिहरू सचेत रहन आवश्यक रहेकाले अकल्पनीय रूपमा आगोलागि हुदाँ नियन्त्रण गर्नका लागि आगो नियन्त्रक यन्त्र ‘फायर हाइड्रेन्ट’वितरण गरिएको कामपा -८ का वडाअध्यक्ष आशामान संगतले जानकारी दिनुभयो ।
उहाँले हरेक प्राकृतिक विपत्तिबाट हामी सबै सचेत रहनुपर्ने बताउदैँ वडास्तरबाटै नयाँ कार्यसमिति बनाएर यसलाई प्रभावकारी रूपमा अगाडि बढाइने समेत बताउनुभयो ।
वडाले पहिलो चरणमा ३० ओटा आगो नियन्त्रक यन्त्र र त्यसलाई राख्ने फलाको स्ट्यान समेत वितरण गरिएको उहाँले बताउनुभयो ।
