दक्ष खबर प्रालिद्वारा सञ्चालित दक्ष खबर डटकम आजबाट तेस्रो वर्ष पुरा गरी चौथो वर्षमा प्रवेश गरेको छ । पत्रकारिताको अनवरत यात्रामा हामी यहाँहरू माझ विभिन्न माध्यमबाट जोडिएका छौँ ।
२०७८ साल वैशाख २४ गतेबाट आफ्नो अनवरत यात्रा प्रारम्भ गरेकाे हामीले विभिन्न ठक्करबाट नयाँ अध्याय शुरूवात गरेका छौँ ।
अहिलेको परिस्थिति सापेक्ष अनलाइन पत्रकारितालाई आत्मसात् गर्दै नयाँ सोच, उमंग, जाँगर अनि नयाँ आयमका साथ तपाईंहरूमाझ हामी सधैं साथमै रहने प्रण गर्नेछौँ ।
हामी यहाँहरूलाई धेरै धेरै आभार ब्यक्ति गर्दछौं । किनभने तपाईंहरूको साथ सहयोग विना आज हामी यहाँसम्मको यात्रा तय गर्न असमर्थ रहने थियौँ ।
अनलाइन माध्यामहरूको भिडमा हामीले तय गर्ने यात्रा यहाँहरूले फरक पाउनु नै भएको छ र पाउनु हुनेछ भन्ने अपेक्षा हामी राख्दछौँ ।
अनलाइन सञ्चार माध्यमको भिडबाट अल्लि टाढा नै रहेर, त्यहीँ भिडको सामना गर्दै केही नयाँ, केही छुट्टै र परिस्कृत रूपमा यहाँहरू माझ सहि, सत्य र सत्यताको संकल्प सहित अघि बढ्ने हामीले निधो गरिसकेका छौँ ।
हाम्रो ढृण संकल्प नै त्यै हो , "सत्य र सत्यताको खोजीमा हाम्रो आवाज" यहीँ विचार, भावना र परिस्कृत सोचले नै हामीले हामीले हाम्रो यात्रा तय गरेका थियौँ ।
हामीले यस वेवमार्फत प्रकाशित गर्ने कुनै पनि समाचारहरू आफ्नै रिपोर्टिङहरू तथा सरकारी एजेन्सी तथा अन्तराष्ट्रिय, एजेन्सीहरूका माध्यमबाट उत्पादित सत्य, तथ्य र विश्वसनीय खबरहरू यहाँहरू माझ ल्याउने कुराहरूमा कुनै दुईमत रहेन । यी कुराहरूको आगामी दिनहरूमा यहाँहरूले नै पक्कै पनि मुल्यांकन गर्नु हुने छ ।
आगामी दिनमा अझै परिस्कृत हुदैँ जाने र पाठकहरूको रूचि अनुसार कन्टेन्टहरू राष्ट्र र अन्तराष्ट्रिय रूपमा समाचारहरू पस्किने बाचा हामी यहाँहरू माझ गर्दछौँ ।
