काठमाडौँ । गोकर्णेश्वर नगरपालिका वडा ९ र नेपाल आँखा कार्यक्रम तिलगंगा आँखा प्रतिष्ठानको संयुक्त आयोजनामा नि:शुक्ल आँखा शिविर सञ्चालन हुने भएको छ ।
गोकर्णेश्वर नगरपालिका वडा ९ र नेपाल आँखा कार्यक्रम तिलगंगा आँखा प्रतिष्ठानको संयुक्त आयोजनामा आगामी शनिवार विहान ८ बजेदेखि १० बजेसम्म वडा कार्यालयमा नि:शुक्ल आँखा शिविर सञ्चालन गर्ने लागेको हो ।
नि:शुक्ल स्वास्थ्य शिविरमा सामान्य दृष्टि तथा आँखा परिक्षण, मधुमेह भएका बिरामीको दृष्टि पर्दाको परिक्षण तथा मोतिविन्दु परिक्षण तथा छनोट लगायतको सेवा उपलब्ध हुने गोनपा ९ का वडाअध्यक्ष राजिव थापाले जानकारी दिनुभयो ।
उहाँले, अन्य सेवाहरूमा नि:शुक्ल औषधि वितरण, छनोट भएका मोतिविन्दु विरामीहरूको नि:शुक्ल स्वास्थ्य सेवा, मधुमेह खानपान र मधुमेह आँखा रोग सम्बन्धि सचेतना शिक्षा कार्यक्रम सञ्चालन हुने वडाअध्यक्ष थापाले जानकारी दिनुभयो ।
उहाँले वडावासीलाई अनिवार्य रूपमा स्वास्थ्य शिविरमा सहभागी हुन आग्रह समेेत गर्नुभयो । उहाँले पछिल्लो समय आँखामा विभिन्न समस्याहरू देखिने गरेकाले आँखा परिक्षण शिविर आयोजना गरिएको समेत जानकारी दिनुभयो ।
