काठमाडौँ । राष्ट्रिय परीक्षा बोर्डले एसईईको पूरक परीक्षा साउन २९ देखि सञ्चालन गर्ने भएको छ ।
शुक्रबार प्रकासित नतिजामा सम्मिलित भई ग्रेड प्राप्त गर्न नसकेका र अनुपस्थित भएका सबै परीक्षार्थीले पूरक परीक्षा दिन पाउने छन् ।
बिहान ८ बजेदेखि ११ बजेसम्म हुने परीक्षा साउन २९ देखि भदौ ६ गतेसम्म हुनेछ ।
साउन २९ गते अनिवार्य अंग्रेजी हुनेछ भने, भदौ ६ गते शुक्रबार प्राविधिक धारतर्फका विषयको परीक्षा हुने बोर्डले जनाएको छ । परीक्षार्थीले पुरानै प्रवेशपत्रबाट परीक्षा दिन पाउने छन् ।
