काठमाडौँ । गौशाला धर्मशालाका विषयमा पशुपति विकास कोष र सञ्चालक परिषदले गरेका निर्णय तत्काल स्थगन गर्न संस्कृति पर्यटन तथा नागरिक उड्डयन मन्त्रालयले निर्देशन दिएको छ ।
मन्त्रालयले आज एक पत्र जारी गर्दै तत्कालका लागि सबै कार्य रोक्न र कात्तिक ४ गते बिहान ९ बजे मन्त्रालयको सभा कक्षा सञ्चालक परिषद्को बैठक बोलाउन समेत भनेको छ ।
असोज २० गते निर्णय गरेर धर्मशाला महानगरलाई सञ्चालन गर्न दिने निर्णय तत्कालका लागि स्थगन गर्न समेत पत्रमा उल्लेख गरिएको छ ।
महानगर र मारवाडी सेवा समितिबीच विवाद भए पछि प्रहरी परिचालन गर्नुपर्ने अवस्था आएकाले मन्त्रालयले निर्णय तत्काल स्थगन गर्न निर्देशन दिएको हो ।
