काठमाडौँ । काठमाडौँ महानगर प्रहरी बलका प्रमुख राजु नाथ पाण्डे निलम्बनमा परेका छन् ।
काठमाडौँ महानगरका प्रमुख प्रशासकीय अधिकृत सरोज गुरुगाईले पाण्डेलाई ६ महिनाका लागि निलम्बन गरेका हुन् ।
आफूलाई कार्यालय प्रवेशमा अवरोध गरेको लगायतका विषयलाई लिएर गुरागाईंले पाण्डेलाई स्पष्टीकरण सोधेका थिए ।
स्पष्टीकरणको जवाफ चित्तबुझ्दो नभएपछि पाण्डेलाई निलम्बन गरिएको हाे ।
