काठमाडौँ । नेपाल महर्षि वैदिक फाउण्डेशनले विश्व शान्तिको सङ्कल्पका लागि अतिरुद्र विश्वकल्याण विराट महायज्ञ आयोजना गर्ने भएको छ । फाउण्डेशनले आज यहाँ आयोजना गरेको पत्रकार सम्मेलनमा संस्थाका अध्यक्ष दीपकप्रकाश बाँस्कोटाले वैज्ञानिक सन्त महर्षि महेश योगी नेपाल आगमनको स्वर्ण महोत्सवका अवसरमा महायज्ञ आयोजना गर्न लागिएको जानकारी दिनुभयो ।
महर्षि महेश योगीले २०३१ सालमा नेपाल आउँदा वैदिक ज्ञानका माध्यमबाट नेपालले विश्वको नेतृत्व गर्न सक्छ अर्थात् ‘नेपाल टु लिड द वल्र्ड’ भन्नुभएकाले उहाँको स्मरणमा महायज्ञ गर्न लागिएको उहाँले बताउनुभयो ।
आगामी कात्तिक २१ गतेदेखि २५ गतेसम्म हुने उक्त महायज्ञमा सनातनी नेपाली नै जजमान हुनेछन् । सनातनीले नै दिएको दानले महायज्ञ गर्ने तयारी फाउण्डेशनले गरेको छ । पत्रकार सम्मेलनमा नेपाल संस्कृत विश्वविद्यालय वाल्मीकि विद्यापीठ ज्योतिष विभागका प्रा डा माधवप्रसाद पाण्डेय, धर्मशास्त्र विभागका प्रा डा देवमणि भट्टराई, वेद विषयका प्रा डा आनन्दप्रसाद घिमिरे, इतिहास पुराण विषयका प्रा डा भवानीप्रसाद खतिवडा, फाउन्डेसनका ध्यान शिक्षक भरतराज पौडेल, नेपाली सेनाका अवकाशप्राप्त उपरथी होमनाथ दवाडी, कानुनी सल्लाहकार समीक्षा बाँस्कोटालगायतले महायज्ञको विधि एवं प्रक्रियाका बारेमा जानकारी दिनुभएको थियो ।
भृकुटीमण्डपमा गरिने सो महायज्ञमा नित्य भावातीत ध्यान एवं सिद्धि सूत्रको अभ्यास गर्ने एक हजार एक सय वैदिक पण्डित सहभागी हुने जनाइएको छ । यी पण्डितलाई फाउन्डेसनले विगत १२ वर्षदेखि देशभरका ९० गुरुकूलमा वैदिक रुद्राभिषेक गराएर तयार पारेको हो । हाल ९० गुरुकुलमा दैनिक एक सय २१ लघु रुद्राभिषेक नियमित रुपमा चलिरहेका पत्रकार सम्मेलनमा जानकारी दिइयो । महायज्ञमा १४ हजार ६ सय ४१ पटक रुद्री पाठ गरिने आयोजक संस्थाले जनाएको छ ।
परम पुज्य "महर्षि महेश योगी" ज्यू नेपाल आउनु भएको ५० औं वर्षको स्वर्ण जयन्तीको शुभ अवसर पारेर अरिरुद्र विराट महायज्ञ हुन गइरहेको राम्रो कामको लागि नेपाल महर्षि वैदिक फाउन्डेसन का अध्यक्ष श्री दीपक प्रकाश वास्कोटा ज्यू को साथमा सबै टीमहरुलाई धेरैधेरै शुभकामना छ। जय गुरुदेव: 🌹🙏🌹 जय महर्षि जी 🌹🙏🌹
अति नै महान कार्य ,यस्ता कर्यले जनतामा अध्यात्मिक जागरण,जनजनमा शक्ति प्राप्त हुने पक्का छ।अब नेपाल विश्वकाे एकमात्र हिन्दूराज्य पुनःस्थापन हुनेछ।यसकार्यक्रममा सहभागी हुने अवसर प्राप्त हाेस् । जय जननी!!!
ॐ नम: शिवाय
सारै राम्रो काम हो मेरो पनि साथ समर्थन रहनेछ।