काठमाडौँ । सात दिनभित्र काठमाडौँ महानगरपालिकाको कार्यपालिका बैठक बोलाउन उपप्रमुख सहित वडाअध्यक्ष तथा कार्यपालिका सदस्यहरूले माग गरेका छन् ।
आज सार्वजनिक रूपमा उपप्रमुखसहित ४१ जना कार्यपालिकासदस्यहरूले हस्ताक्षर सहितको पत्र महानगरप्रमुख बालेन्द्र शाह बालेनलाई पठाएका हुन् ।
काठमाडौँ महानगरपालिकाको कार्यपालिकामा प्रमुख उपप्रमुख सहित ४२ जना रहेका छन् ।
सार्वजनिक पत्रानुसार ७ दिनभित्र कार्यपालिका बैठक बोलाउन माग गरिएको छ । पौस १४ गतेदेखि हालसम्म काठमाडौँ महानगरपालिकाको कार्यपालिका बैठक बस्न सकेको छैन ।
तथापि, चैत्र १० गते नगर कार्यपालिकाको सदस्यहरूले कार्यपालिका बैठकका लागि प्रमुखलाई भेटेर विज्ञप्ति बुझाएका थिए । त्यसयता महानगरमा विभिन्न किचलोहरू चलिरहे पनि त्यसको समाधान तर्फ अगाडि बढ्न सकेको छैन ।
