काठमाडौँ । नेपाली भाषा, साहित्य, कला र संस्कृतिको उत्थान तथा जगेर्ना गर्ने उद्देश्यसहित ‘नेपाल नेटर्वक टेलिभिजन’ नियमित प्रसारण सुरु गरिएको छ ।
सभामुख देवराज घिमिरेले आज एनएनटिभीको उद्घाटन गर्नुभयो । सुन्तुलित, निष्पक्ष एवं खोजमूलक पत्रकारिताको मर्म तथा स्वस्थ मनोरञ्जनको अवधारणअनुरूप समाचारमूलक तथा मनोरञ्जनमूलक विशेषतासहित स्याटेलाइटबाट राष्ट्रिय तथा अन्तर्राष्ट्रियस्तरमा प्रसारित हुनेगरी एनएनटिभीको औपचारिक शुभारम्भ गरिएको हो ।
विसं २०७२ असार १३ गतेदेखि सो टेलिभिजन निरन्तर परीक्षण प्रसारण हुँदै आएको थियो । टेलिभिजनमा ऐना, दोहोरी आइडल, घरातल अड्डा, कचहरी, जीवन यात्रा, कृतित्वलगायतका कार्यक्रम प्रसारण हुनेछन् ।
कार्यक्रममा सभामुख घिमिरले सत्यतथ्यमा आधारित भएर देशको विकृति–विसङ्गतिलाई आलोचनात्मक पत्रकारिता गर्न दिनु राजनीतिक परिवर्तन भए पनि जनताको जीवनमा परिवर्तन हुन नसकेको भार माध्यमले सकारात्मक भूमिका निर्वाह गर्नुपर्ने बताउनुभयो । पूर्वप्रधानमन्त्री माधवकुमार नेपालले मुलुकको आर्थिक, सामाजिक विकासलाई सहयोग गरी पुग्ने गरी पत्रकारिताको सकरात्मक भूमिका खेल्नुपर्ने बताउनुभयो ।
