काठमाडौँ । दोस्रो ‘प्रयागराज सिंह सुवाल स्मृति फुटसल प्रतियोगिता’ अन्तरगत आज प्रिक्वाटर फाइनल चरणका चारवटा खेलहरू सम्पन्न भएको छ ।
काठमाडौँ महानगरपालिका वडा नं. २३ को आयोजनामा जारी दोस्रो ‘प्रयागराज सिंह सुवाल स्मृति फुटसल प्रतियोगिता’ को सातौँ दिन आज विभिन्न वडाहरूबिचका चारवटा खेलहरू सम्पन्न भएकाे हो ।
प्रिक्वाटर फाइनल चरणको पहिलो खेलमा वडा नं. १२ र वडा नं. २६ को खेलमा ७-६ गोल अन्तरले वडा नं. १२ विजयी भएको छ । त्यस्तै, आजको खेलमा रवि कारञ्जित पोडे म्यान अफ द म्याच घोषित भएका छन् ।
त्यस्तै, आजै भएको दोस्रो वडा नं. ९ र वडा नं. ६ बिचको खेलमा वडा नं.६ ०-२ गोल अन्तरले विजयी भएको छ । सोही खेलमा वडा ६ का खेलाडी राकेश लामा म्यान अफ द म्याच घोषित भएका हुन् ।
त्यस्तै, आजै भएको चोथौ खेलमा वडा नं. २१ र वडा नं ८ बिचको खेेलमा वडा नं.२१ १-० गोल अन्तरले विजयी भएको छ । खेलमा म्यान अफ द म्याच साजन शाही घोषित हुनुभएको थियय घोषित भएको छ ।
त्यस्तै, आजै भएको चौथो खेलमा वडा नं. १२ र वडा नं. ०५ सँग भएको खेलमा २-० गोल अन्तरले वडा नं. १२ विजयी भएको छ । खेलमा म्यान अफ द म्याच साजन डंगोल घोषित भएका थिए ।
खेलका विजेताहरू क्वाटरफाइनल चरणमा प्रवेश गर्नेछन् । खेलका विजेता टीमले २ लाख रुपैयाँ, उपविजेता टीमले १ लाख रुपैयाँ पुरस्कार पाउने छन् भने, उत्कृष्ट खेलाडी, सर्वाधिक गोलकर्ता र गोलरक्षक १/१ जनालाई १० हजार रुपैयाँसहितको पुरस्कृत गरिनेछ ।
खुला उमेर समूहका पुरुष खेलाडी बिच खेल हुनेछ । नकआउटका आधारमा हुने खेल हरेक दिन बिहान ८ बजेदेखि १२ बजेसम्म भईरहेको हुनेछ । खेल असोज ९ गतेसम्म सञ्चालन हुनेछ ।
प्रतियोगितामा ३२० युवाले प्रत्यक्ष प्रतिस्पर्धा गर्ने र ५ सय युवा कार्यक्रमका लागि परिचालित हुने अपेक्षा गरिएको छ ।
