काठमाडौँ । काठमाडौँको चावहिलमा अवस्थित विनायक सिद्ध कलेजका विद्यार्थीहरूले विभिन्न कार्यक्रमका बिच अन्तराष्ट्रिय सामाजिक कार्य दीवस सम्पन्न गरेका छन् ।
मार्च १९ अर्थात् अन्तराष्ट्रिय सामाजिक कार्य दीवसका अवसरमा विभिन्न सामाजिक कार्यक्रम सँगसँगै बहुआयामिक तरिकाबाट कलेजका विद्यार्थीले "विश्वभरि परिवर्तनकारी परिवर्तनका लागि साझा भविष्य" भन्ने नारा सहित दिवस मनाएका हुन् ।
उक्त सामाजिक कार्यका दिन विद्यार्थीहरूले कलेज परिसरमा चिया बेचेे उठेको पैसाले सडक मानवलाई साथसहयोग पुर्याउने प्रतिवद्धता जनाउँदै आएका छन् ।
विद्यार्थीहरूलाई समय सापेक्ष रूपमा शिक्षा प्रदानका निम्ति उक्त कार्यहरू गर्न आवश्यक रहेको कलेजले जनाएको छ । विनायक सिद्ध कलेज उत्कृष्ट सँगसँगै गुणस्तरीय शिक्षामा प्रतिवद्ध रहेको छ ।
उनिहरूले पशुपति, चावहिल, बौद्ध लगायतका क्षेत्रको पसलहरूमा पुगेर चिया बेच्नुका साथै रकम संकलन गरेका थिए ।
