काठमाडौँ । तराई–मधेशमा भएकाे पानी संकटप्रति गम्भीर चासो राख्दै नेपाल विद्यार्थी संघ केन्द्रीय समितिले खानेपानी मन्त्रालयलाई औपचारिक ज्ञापनपत्र बुझाएको छ ।
नेपाल विद्यार्थी संघका केन्द्रीय सदस्य आदित्य कुमार दासको नेतृत्वमा खानेपानीमन्त्री प्रदीप यादवलाई औपचारिक ज्ञापनपत्र बुझाइएको हाे ।
जलस्रोतमा सम्पन्न मुलुक भएर पनि पानीकै कारण हजारौँ मधेशी किसान र जनता प्यास र पीडामा पर्नु राज्यको लापरवाहीको प्रतीक भएकाे धारणा संघकाे रहेकाे छ ।
ज्ञापनपत्रमा तत्काल ५०० डिप बोरिङ र ट्याङ्करमार्फत आपतकालीन पानी आपूर्ति सुनिश्चित गर्न, तथा दीर्घकालीन समाधानका लागि नीति निर्माण गर्न माग गरिएको छ । साथै, संघले चेतावनी दिएको छ,“यदि सरकारले गम्भीरता नदेखाए, विद्यार्थीहरू सडकमा ओर्लिने बताइएकाे छ”
दासले मन्त्रीसँग भने, “मधेशको माटो सुक्दा सिंगो देशको मुटु सुक्छ । अब पीडित जनताको आवाज दबाउन खोजियो भने हामी विद्रोह गर्छौं।”
नेपाल विद्यार्थी संघले यो संघर्षलाई अब नारामा होइन, कार्यान्वयनको बाटोमा अघि बढाउने स्पष्ट पारेको छ । यो अभियान केवल ज्ञापनपत्रमा सीमित रहने छैन जनताको पीडा समाधान नभएसम्म विद्यार्थीहरू पछि नहट्ने जनाइएकाे छ ।
