काठमाडौँ । पाचौँ शिमोगा ओपन इन्टरनेस्नल लेवल कराते च्याम्पियनसिप २०२४ मा नेपाल २२ स्वर्ण सहित प्रथम भएको छ । शनिबार र आईतबार भएको प्रतियोगितामा भारत दोस्रो तथा श्रींलङ्का भएको हो ।
नेपालले प्रतियोगितामा जम्मा २२ स्वर्ण ३ रजत र १ कास्य पदक हासिल गर्दै प्रथम स्थान हासिँल गरेको हो । प्रमुख प्रशिक्षक अरुण कुमार कार्कीले नेपालले महत्त्वपूर्ण खेल खेल्दै २२ स्वर्ण सहित प्रथम स्थान हात पारेको बताउनुभयो ।
त्यस्तै, च्याम्पियनसिपको निर्णायकका रूपमा अजय भक्त श्रेष्ठ, अफिसियल भेश राज पौडेल सहित १३ जना खेलाडीहरू भारत प्रस्थान गरेका थिए ।
जसमा खेलाडीहरू रन्जन कुमार सापकोटाले २ स्वर्ण र १ रजत हात परेका थिए भने, सन्देश कार्कीले २ स्वर्ण, निशान तामाङले २ स्वर्ण, विकल्प पाण्डेले २ स्वर्ण, सुहाना कार्कीले १ स्वर्ण र १ रजत, सुस्तिका कुमारीले २ स्वर्ण, शिशिर नेपालीले २ स्वर्ण, एलेक्स तामाङले १ स्वर्ण १ कास्य, संकल्प तामाङले १ स्वर्ण १ रजत, युवराज गोलेले २ स्वर्ण, बिबेक तामाङले २ स्वर्ण, शीर्षक कार्कीले २ स्वर्ण र नितिशा बुढाथोकीले १ स्वर्ण १ रजत हात पारे ।
मावली सोतोकान कराते डो संघ नेपालबाट नेपालको प्रतिनिधित्व गरेर १३ जना खेलाडी सहित प्रशिक्षार्थी सहित १५ खेल्न भारत गत भदौ २० गते भारतको कर्नाटक राज्य सिमोगा सिटि प्रस्थान गरेका थिए ।
